Søre Sunnmøre og regionen rundt har alltid hatt stor idrettsinteresse. På tampen av 2018 fekk endelig regionen sin eigen sportsbar. Naturlegvis plassert i Ulsteinvik, som har fostra idrettsstjerner på løpande band.
– Vi ønskjer å skape ein møteplass der folk kan kose seg med god sport på fleire skjermar i sportsbaren, seier Geir Sundal. Han er ein av eigarane av Brygga Sportsbar. Den tidligare fotballspelaren for Hødd, la skoene på hylla før klubben vart cupmeister, men har spelt eliteseriefotball for klubben i sitt hjarte. «Gegg» er ein av byen sine fotball-legender.
Sundal fortel at fotballen alltid har hatt stort fokus i byen Ulsteinvik gjennom fotballaget Hødd. Klubben som vart Noregsmeister i 2012, etter å ha slått eliteserielaget Tromsø på Ullevaal stadion i Oslo. Hødd har spelt i eliteserien ved fleire høve, men har stort sett hatt tilhald i 1. divisjon. Dei to siste sesongane har klubben vore i 2. divisjon, men målet er å kome tilbake til 1. divisjon så snart det er mogleg.
Det er også andre idrettar som har fokus i Ulsteinvik og søre Sunnmøre. Verdsmeister Karsten Warholm, som representerer Dimna IL, vann 400 meter hekk under VM i friidrett i London 9. august 2017. Han er første norske mannlige verdsmeister i ein løpsøving. Sportsbaren vil naturlegvis vise alt av det Warholm er med på i TV-ruta.
Ellers er interessa for idrett stor, og heilt sidan opningsdagen har folk frå heile regionen strøymd til den nyopna sportsbaren.
– Vi er godt nøgde med oppmøte. Det er vi også med dei gode tilbakemeldingane som vi har fått, seier Sundal. Han er stolt av den nye sporsbaren, som ved hjelp av mange skjermar og alle sportskanalane kan vise fleire sportshendingar samstundes.
– Dette løyser vi på den måten av vi har ulike soner i sportsbaren. I ei sone kan vi vise fotballkamp på fleire skjermar, medan vi i ei anna sone i baren kan vise til dømes langrenn, påpeikar bar-eigaren. Han viser til at dette også kan gjerast når der går fleire populære fotballkampar samstundes.
Geir «Gegg» Sundal fortel at det har vore mange ettermiddagar og kveldar med «stinn brakke» i Brygga Sportsbar.
Sportsbaren har både shuffleboard og dart i lokalet. Dette er populære aktivitetar baren tilbyr i tillegg til alt på skjermane. I tillegg vil det bli quiz og andre typer konkurranser.
Til sommaren blir det både fjernsyn og vising av sportsarrangement ute på brygga mot sjøsida.
– Vi har allereie ein unik plassering mot sjøen og hamnemiljøet. Med uteserveringa blir sportsbaren komplett, smiler han.
Geir «Gegg» Sundal gler seg til at fleire oppdagar Brygga Sportsbar, og inviterer alle velkomne til sportsbaren.
Ta deg ein tur då vel!
