Byggentreprenør Rise Bygg AS finn du på Rise i Hareid kommune. Verksemda utfører det meste av bygge- og entreprenørtenester. Primærområdet er i hovudsak konsentrert til kommunane Hareid, Ulstein, Herøy og Sande, men dei tek også oppdrag for kundar andre stader på søre Sunnmøre.
-Alle byggevarer leverast frå vårt eige lager. Det er også viktig for Rise Bygg å vere uavhengig og tilpassa lokale forhold. I dag er vi 28 medarbeidarar, og tek gjerne på oss oppdrag som hovudentreprenør, seier dagleg leiar Ronny Nipen. I 2015 var dei mellom anna ansvarlige for å bygge nye Høddvoll stadion med Ulsteinhallen. Nipen inviterer alle potensielle kundar med byggeplanar, store som små, på besøk til kontoret på Rise i Hareidsdalen for ein hyggeleg og uforpliktande prat.
Solid rutine
Rise Byggelag vart stifta i 1977. I løpet av desse 40 åra har byggelaget blitt til aksjeselskap, og ein av dei største byggentreprenørane på søre Sunnmøre.
-Arbeidsområdet til Rise Bygg omfattar alt frå forretnings- og offentlege bygg, til bustadhus og garasjer. Vi har gjerne fokus på større byggeprosjekt. Dei siste åra har hovudmengda av oppdrag bestått av arbeid og leveranser av forretningsbygg og offentlige bygg i kommunane Hareid, Ulstein, Herøy og Sande. Spesielt har det vore mange oppdrag knytt til nye prosjekt, litt mindre til påbygg og rehabilitering av eksisterande skulebygg og sjukeheimar. Rise Bygg står også for leveransar til, og oppføring av, fleire arkitekttegna einebustadar med særprega utforming, påpeikar Nipen.
Dyktige handverkarar
Rise Bygg får ofte positive tilbakemeldingar på prosjekta som dei har levert.
- Kvaliteten vi leverer frå oss er i høgste klasse. Vi har dyktige handverkarar og lite reklamasjonar, seier den daglege leiaren. Han er stolt over at verksemda har eit godt renome i regionen.
- I ei tid med større utfordringar i oppdragsmengda ser vi gjerne at kundane vel kvalitet framfor kvantitet. På den måten sikrar ein seg bygg som blir oppført på riktig måte. For oss er det ei æreskjensle å levere frå øverste hylle, og vi har ekstra fokus på gode leveranser, understrekar Ronny Nipen.