172071172071+

For eventyrarar, kongar, dronningar og Deg

I enden av Norangsfjorden, på Øye, ligg eit av Europas mest herskapelige hotell. Hotel Union Øye har i generasjonar vore eit attraktivt reisemål for kongelige, forfattarar og elskarar. Hotellet har også ein hotelldirektør som elskar hotellet, og byr på seg sjølv med song, historier og utprega vertskap.

Heilt sidan opninga i 1891 har hotellet vore ein stad der gjestar kjem for å nyte roa og det gode liv i storslagne omgivnader. Hotellet sine 27 rom er alle individuelt dekorert og møblert med nøye utvalde antikvitetar. Roma er også oppkalt etter kjende personar som har budd på hotellet gjennom tidene. Som Keiser Wilhelm II, Kong Oscar II, Dronning Maud og Kong Haakon, samt forfattarane Karen Blixen, Knut Hamsun, Sir Arthur Conan Doyle og ikkje minst komponisten Edvard Grieg.


172071+


Stor kjærleik

-Eg er forelska i dette hotellet, smiler Mariann Øye-Mork. Det er eit heilt spesielt hotell. Bere sjå deg rundt. Det er nesten som å bli satt over 100 år tilbake i tid, med ein atmosfære av ro, seier hotellsjefen til Det Norske Bransjemagasinet.


Veninnene til Mariann fortel at ho er den fødte vertinne. Ho vaks opp i den vesle og vakre bygda Øye, og sidan ho var tre år var ho nesten meir på hotellet enn heime på gardsbruket. I dag bur ho med mann og to barn på Mork i Volda, skjønt, mannen spør til tider om kva som er heimen for hotellfruen.  


Som lita jente følgde 31-åringen hotelldrifta med store auge, og etter kvart tok ho også del - først i oppvasken og deretter med servering. Då ho tok til å studere hotell-leing i Stavanger, jobba ho på hotellet heime om sommaren. Etter endt utdanning, vart Øye-Mork, som 22-åring, Noregs yngste hotelldirektør. Øye-Mork vart tilsett i direktørstillinga medan faren framleis var medeigar av hotellet. I dag er hotellet eigd av Line og Knut Flakk, og ein del av deira reiselivssatsing i 62Nord.


Nostalgi

Peis, måleri og store lysekroner er naturlige detaljar. Hotel Union Øye er bygd i sveitserstil, medan interiøret er henta frå stilane La Belle Époque og Victoriatid. Smilande hotellvertinner møter oss i det vi kjem inn på hotellet. Alle er kledde i gammaldagse drakter.


- Her skal gjestane føle seg heime, legg hotelldirektøren til. Under sesongen hotellet held ope, er det over 20 tilsette som rer sengar og tek mot turistar. Mange av dei tilsette er lokale jenter. Er du heldig, får du også høyre hotelldirektøren synge.


- Det er berre eg og veslesystera mi, nestkomanderande Kathrine Øye, som er tilsett heile året. Vi har eit godt arbeidsmiljø, med eit ungt personale, seier Øye-Mork, ikledd sin dirndl-drakt, frå Syd-Tirol. Om sommaren er hotellet stort sett fullbooka. Alle rom har historiske namn etter kongelige og kulturpersonar som har besøkt hotellet i åras løp.


Draumejobben

Sidan 2008 har Mariann Øye-Mork vore hotelldirektør på hotellet. Ho legg ikkje skjul på at ho har draumejobben. Ho har også auka omsetnaden på hotellet frå 7 millionar kroner til 14,7 millionar kroner. Målet i år er 16,5 millionar kroner.  


-Eg elskar å vere her. Nesten kvar dag pendlar ho frå Mork i Volda, til hotellet i Norangsdalen. Ho er dermed er ein god kunde på ferjesambandet Sæbø-Leknes. Turen frå Mork tek om lag ein time, inkludert ferjeturen.

Mariann har stor tru på framtida for hotellet, og ser at gjestane vil halde fram med å finne fram til Hotel Union Øye.


-Dei aller fleste av våre gjestar er norske gjestar som vil oppleve hotellet og fjella i nærområdet. Eg trur at talet på dei norske turistane vil halde fram å auke, samtundes som talet på dei utanlandske turistane vil auke. Ikkje minst med tanke på fokus av fjord og fjell, og at sesongen kan utvidast både i forkant og etterkant av sommaren, seier ho.


Hotelldirektøren viser også til at dei utanlandske gjestane ikkje er så opptekne av veret, som oss nordmenn.

-Vi ønskjer alle som vil ta turen til Hotel Union Øye i Norangsdalen hjarteleg velkomne til oss, smiler hotelldirektør Mariann Øye-Mork.

Les mer...

2017-05-30 15.15

preftek4

Konkurransedyktig prefabrikkeringsaktør leverer effektive løsninger til offentlige bygg

Artikkel Preftek AS, er Norges ledende leverandør av prefabrikkerte løsninger for energisentraler og rørtekniske rom – skreddersydde løsninger og produkter av høy kvalitet for kunder med ulike behov. – Det er...
mestertak2

Best på fremdrift: Denne taktekkerbedriften får til det umulige

Artikkel Mestertak AS er stolt av å være ditt foretrukne taktekkerfirma som betjener både bedrifter og private.

    Kontaktinformasjon

    vidaxl

    Fem måter å nyte mer tid utendørs

    Uansett hvor du bor, om det er i et hus med hage, en leilighet, eller en hybel, er det synd om du ikke utnytter sjansen til å tilbringe ekstra tid ute, spesielt i sommermånedene. Når solen er ute og temperaturen stiger, er det mange som liker å få litt frisk luft og naturlig D-vitamin. Men kanskje synes du det er vanskelig å forlate hjemmet av en eller annen grunn? Heldigvis er det ingen grunn til bekymring. Vi har samlet en liste over måter å lokke deg selv til å begi deg ut i den solfylte naturen.

    sigmund-eTgMFFzroGc-unsplash

    Digitale møter: Tips for nybegynnere

    Sagt ja til å holde dine første digitale møter? Tips om hvilken plattform, tekniske problemer & møteagenda finner du her.

    article1

    Beste stedene å campe i Norge

    Norge er et campingparadis, med sitt dramatiske landskap og overflod av campingmuligheter. Enten du leter etter en avsidesliggende campingplass ved sjøen eller på fjellet, har vi dekket deg.

    Arkiv