Gode gamle tradisjonar med rekebuffet og søndagsbuffet har allereie fått mange til å reise til fjordhotellet for å smake den nydelige maten. Slik har det også vore i samband med konferanser, selskap, jubileum og andre festdagar. Likevel, det er plass til fleire, inviterar Wenke Gjørtz. Ho er leiar for hotellet, som ho omtalar som eit unikt fjordhotell med tårn, atrium, tunhus og eigen marina.
Terningkast 6
Ein grå og regntung haustkveld fekk Det Norske Bransjemagasinet kome på besøk til det trolske og vakre hotellet i Hjørundfjorden på Sunnmøre. Vi fekk smake, sjå og oppleve mat, og ikkje minst presentasjon av mat. Vi stod att med ypperste karakter, terningkast 6.
Gjestane, som denne kvelden kom frå Sparebank 1, var også fulle av lovord om mat og service. Ein kunde som kjem tilbake gong etter gong, er gjerne det.
Dei tre kokkane på kjøkkenet hadde denne kvelden ein meny beståande av kastrert okse frå Haramsøya, baconterrin, jordskokkpure, østerssopp, bakt asparges, pommes Anna potet, bakt sherrytomat og raudvinsaus. Det smakte nydelig.
– Vi har god kjemi, fokus på arbeidsoppgåvene og godt humør. Det er tre viktige faktorar for å lage, og skape god mat, smiler kjøkkensjef Espen Frøland. Han rosar sine kollegaer, og fortel om eit svært godt arbeidsmiljø.
– Vi kjenner kvarandre godt og spelar kvarandre gode. Alle har sine sterke sider som vi prøver å nytte best mogleg, seier kjøkkensjefen. Han er stolt over maten dei serverer, og ser fram mot ein fin haust og julebordsesong. Det første som står på menyen er havets festbord, etterfulgt av smalahove. Det siste blir både nytt og spennande for hotellet.
Fjord og fjell
– Vi speglar gjerne både fjord og fjell i menyen vår. For dei som bur hos oss ei helg kan gjerne menyen vere frå havet ein kveld og frå fjellet dagen etter, seier Wenke. Ho er veldig stolt av sine kokkar, og den smakfulle kjøkken. Hotelleiaren vil gjerne at fleire skal få oppleve hjarte i Sagafjord Hotel.
– Eg er ikkje i tvil om at eit godt kjøkken med god mat er det viktigaste og hjarte for vårt hotell. At gjestane våre får kombinasjonen med vakker og spektakulær natur, saman med fantastisk god mat, er slik vi vil ha det, seier ho. Det er ikkje utan grunn at ein gjerne må yte, før ein kan nyte på Sagafjord Hotell. Kva du yter er imidlertid basert på eit lågterskeltilbod.
Etter ein nydelig middag denne haustkvelden, fekk både gjestar og skribent servert ein kjempegod dessert. Den bestod av ostekake med snøfrisk og friske bær. Snøfrisken kjem frå meieriet til Tine i Ørsta sentrum, nok ein lokal leverandør til hotellet. Som middagen, var også desserten svært god.
Julebord
Sagafjord Hotel kan by på 40 gode rom og eigen marina, samt sjarmerande tunhus med sengeplassar.
– Vi kan friste med to behagelige konferanserom med alle moderne finesser, samt den to hundre år gamle Skulestova for mindre grupper. Restauranten kan dekke til fest og julebord for 90 personar, seier hotelleiaren, som gler seg til julebordsesongen. Bestillingane er allereie i ferd med å kome, så Wenke oppmodar bedrifter og andre om å kontakte hotellet for ein uforpliktende prat. Dei kan friste med fantastisk god mat, musikk både fredag og laurdag, og ikkje minst - unik stemning.
– Det beste av alt er at vi skreddarsyr draumeopphaldet hos oss, smiler den sympatiske hotelleiaren.