Fine Quek er ein av dei fire tilsette i salongen. Ho fortel at ho tidligare har utført massasje på ei av dei fire jentene i den svært populære popgruppa Spice Girls.
– Melanie Chrisholm var godt fornøgd med massasjen. Det var også prinsessa av Saudi-Arabia, smiler massøsa, som såleis bør det vere meir enn god nok for kresne voldingar også.
– Vi tek gjerne imot kundar frå heile regionen. Naturlegvis både kvinner og menn, smiler Quek. Ho har jobba på salongen sidan i mai, då dei opna dørene i Halkjelsgate 18.
Kvalitet
Der er Ermelita Folkestad som er eigar av Volda Massasjeterapi. Ho har fått mange tilbakemeldingar på at det er eit tilbod som har vore etterlyst. No gjeld det å få fleire kundar til å finne vegen til salongen. På ein av veggane inne i lokala i Volda sentrum heng diplomar på rekkje og rad. Diplomar som fortel at det er godt kvalifiserte kvinner som utfører behandlingane.
– Vi har mange kundar som har prøvd både kiropraktor og fysioterapeut utan å bli betre, men som har fått god hjelp her hos oss, seier Nancy Markstedt.
Mange tilbod
Volda Massasjeterapi kan også tilby fleire tilbod enn massasje. Mellom anna manikyr, pedikyr og fotspa. Det er Phim Nakdee som står for dette, og ho har også erfaring som hårstylist.
– Vi inviterer alle frå regionen til å kome til Volda og prøve eitt eller fleire av våre tilbod. Massasjeterapien er svært god, og mange kjem tilbake for fleire behandlingar. Dette gjeld også dei andre tenestene vi kan tilby, så ikkje nøl – bestill din time i dag, seier trekløveret til Det Norske Bransjemagasinet.
