Dagleg leiar Therese Frøystad Igesund starta opp bedrifta Exlevel i 2013. Frå lokala i sentrum av Fosnavåg tilbyr dei kurs- og konsulenttenester i Microsoft, hovudsakleg retta mot bedriftsmarknaden. «Expand to New Levels» er slogenet til verksemda. Dette betyr utviding av erfaring og kompetanse.
Skreddarsaum
Ein av bedriftene som har fått skreddarsaum frå Exlevel AS er IGLO Mano AS frå Vegsund i Ålesund. Kjerneområda til denne verksemda er kurs- og bemanningstenester. Behovet for eit spesialtilpassa system i excel har vore etterlyst.
-Etter at vi for snart 20 år sidan starta med lossing og lasting av fiske- og fraktebåtar utvikla dette seg raskt, og vi vart desidert leiande på Sunnmøre. I dag har vi en markedsandel på om lag 90 prosent, seier Ole Henrik Eidsvik i IGLO Mano. Han er kjempefornøgd med systemet som Exlevel har skreddarsydd, og det gode samarbeidet med Therese Frøystad Igesund.
Lidija Kaminskiene i Ålesundverksemda, er også full av lovord om samarbeidet med Exlevel.
-Therese har saman med oss funne eit system i Excel som passer oss midt i blinken. I tillegg er ho alltid positiv og hjelpsam når vi har spørsmål, rosar Lidija.
Konsulenttenester
Exlevel tilbyr både kurs og ulike konsulenttenester innanfor Microsoft Office.
- Dette kan vere tenester som rådgiving og utvikling av løysingar knytt til Microsoft Office programvare, eller utføring av konkrete arbeidsoppgåver med Microsoft Office som arbeidsverkty, seier den daglige leiaren for Exlevel. Ho fortel at Microsoft Office er et arbeidsverkty som blir nytta dagleg av bedrifter innan ulike bransjar.
- Det viser seg at mange ikkje har kjennskap til moglegheitene innan dei ulike program, og korleis få til effektiv bruk, seier Frøystad Igesund. «Tilpasning» og «effektiv samhandling i Microsoft Office» er fokusområda i leveransen frå Exlevel.
-Dette gir stor gevinst for den enkelte bedrift i form av effektivisering og forbetring av kommunikasjon. Dette gjeld også tidsbesparing, forbetra arbeidsmetodikk og større utnytting av program, seier ho.
Den vesle bedrifta ut mot havet på ytre søre Sunnmøre «er framme i skoa», og ser fram til å bli kontakta for nye og spennande oppdrag. Primærområdet er Møre og Romsdal, Sogn og Fjordane, men dei tek også på seg oppdrag for bedrifter i andre delar av landet.
