Rettleiing og jamn oppfølging er viktige stikkord. Det er likevel du som person som må ta stega sjølv. Nupen KostogHelse vil imidlertid vere med deg på vegen, så lenge du sjølv måtte ønskje.
Ingeborg Nupen smiler hjarteleg når ho ønskjer Bransjemagasinet velkomne til kontoret sitt i Ørsta sentrum. Ørstajenta oser av energi, ein energi og eit sunt liv ho har lyst å dele med flest mogleg.
Vegen vidare
Ingeborg er kosthaldsrettleiar, treningsinstruktør og ernæringsterapeut, og fokuserar på ulike sider i mennesket. Ho fortel om næringsstoff og matvarer, kosthald og diett. Deretter penslar ho vegen vidare til kosttilskot og terapeutisk mat. Ørstingen er skulert, ho har praktisert i studieperioda og veit kva ho snakkar om. Brusetmetoden veit ho fungerer for veldig mange.
– Alt dette sett i system gir betre fordøying. Vi kan gjerne rette fokuset på hormonar og mat. Eg kan gjennomføre testar om du vil. Alt saman med den enkelte i individuell oppfølging. Om ein ønskjer å vere med i grupper, så ordnar vi det også. Likevel, alt det som er for personleg, blir individuelt tilrettelagt, understrekar ho.
Livstilsendring
For veldig mange er vektreduksjon det store målet. Ingeborg er krystallklar, det skjer ikkje av seg sjølv. Ein må ville det, og kjenne at dette er noko ein treng. Det er vegen som er målet, og Nupen KostogHelse er med deg langs med.
– Vi snakkar om livsstilsendring. Då må heile kroppen, og ikkje minst hovudet vere med, påpeikar terapeuten. Ho er ikkje i tvil om samanhengen mellom kosthald og helse. Det du gjer, eller det du ikkje gjer, alt heng saman, og bonusen er betre balanse i livet som kan førebygge eller lindre ubehag eller smerte i kroppen, seier Ingeborg. Ho legg ikkje skjul på at for mange blir heile prosessen ei stor overrasking.
Unik behandling
– Det er mange som ikkje veit at dei reagerer på enkelte matvarer, og kan ved test og oppfølging oppleve motivasjon til å gjere dei justeringane som kan gi løft. Vi kan ta ein test og finne den rette vegen vidare for den enkelte. Alle er ulike, då må også den enkelte få den unike behandling dei fortjener. Det får dei hos meg, seier ho.
Nupen KostogHelse held matkurs, foredrag, underviser i helse og livsstil, har rettleiing til individ og held kurs for grupper.
Ta kontakt med Ingeborg i Nupen KostogHelse i dag. Saman finn vi den beste løysing for nettopp deg.
