Hotellet ligg på Sæbø, ei levande småbygd i eit vestnorsk kulturlandskap, med ei lang historie.
-Med eit unikt turterreng, djupe fjordar og majestetiske alpetindar, ønskjer vi å vere din heim for unik og tradisjonsrik natur- og matopplevingar på Sunnmøre, seier Wenke Gjørtz, dagleg leiar i Sagafjord Hotel.
Hotellet
Sagafjord Hotel kan by på 40 gode rom, og kan huse opp mot 100 personar. Gjennom året har hotellet besøk av gjestar frå heile verda.
- Målet er å få til helårsdrift. Dette for å kunne tilby stødige arbeidsplassar i denne levande bygda, som faktisk er i vekst. Den internasjonale etterspurnaden, spesielt frå kvalitetsbevisste menneske som ønskjer eit pusterom frå hektisk storbyliv, er aukande året rundt, seier Gjørtz. Konferansemarknaden er også ein viktig del av drifta, for at dette skal vere mogleg. Difor er det ekstra gledeleg å kunne slå fast at fleire og fleire bookar konferanser til fjordhotellet i Hjørundfjorden, legg ho til.
Opplevingar
Om våren lokkast spesielt toppturentusiastar til området for å oppsøke Sunnmørsalpane på ski. Sagafjord husar mellom anna Fri Flyt sin High Camp kvart år, med over 300 besøkande. Billettane for fjorårets festival vart nok ein gong svært raskt utselt. Vårsesongen er også populær for laksefiske i Bondalselva, somligg 150 meter frå hotellet. Fjordfisket kan du oppleve fra hotellterrassen, eller med ein lokal guide i båt.
- Området er også ein perle for sykkelturisme. Gjørtz viser til at det er mogleg å leige syklar på hotellet, og ta seg ein tur innover den trange seterdalen Norangsdalen på andre sidan av fjorden. Reiseruta inneheld ein spektakulær ferjetur over Hjørundfjorden, og kanskje eplekake i hagen til eventyrslottet på Øye.
Regionen er også heimen til fleire lokale eldsjeler innan opplevingsbasert turisme.
- Alle ønskjer å bidra til at ditt opphald i Sunnmørsalpene blir unikt, påpeikar styraren av fjordhotellet.
Natur- og matopplevingar
Ho fortel at kjøkkenet nyttar lokale og sesongbaserte råvarer.
-Egga får vi levert kvar morgon frå andre sida av gata. Lengre oppe i dalen ligg ein gamal slektsgard som heiter Rekkedal, som kan vise til ein spennande vinkjellar, og som også tilbyr tradisjonsrike kulinariske opplevingar i eit ekte sunnmørsk kulturhistorisk miljø. Hotellet og samarbeidspartnarane legg vekt på ekte, reine og tradisjonsrike opplevingar mellom bratte tindar og djupe fjordar. Hotellet samarbeidar med lokale guidar som kan ta deg med på tur i alle terreng og farvatn, heile året.
Vi ventar på akkurat du skal ta kontakt med oss, smiler Wenke Gjørtz.
